ABŞ Səfirliyi Beynəlxalq Homofobiya, Transfobiya və Bifobiya Əleyhinə Günü (IDAHOT) ilə əlaqədar Qürur bayrağını qaldırdı

Bu gün ABŞ Səfirliyi Beynəlxalq Homofobiya, Transfobiya və Bifobiya Əleyhinə Günü (IDAHOT) ilə əlaqədar Qürur bayrağını qaldırdı.

Amerika Birləşmiş Ştatları müxtəlifliyi ilə seçilən ölkədir və LGBT icması cəmiyyətimizin vacib və dəyərli bir hissəsidir. ABŞ-da LGBT fərdləri açıq şəkildə ölkələrini orduda qoruyurlar, Konqresdə təmsil edirlər, tibb və biznesdən tutmuş siyasi aktivliyə və incəsənətə qədər fərqli sahələrdə çalışırlar. LGBT fərdlərinin ailələri var və onlar bizim qonşularımız, dostlarımız və ailə üzvlərimizdir.

IDAHOT günündə LGBT fərdlərinin cəmiyyətdəki hər kəslə eyni hüquqlara sahib olduğunu vurğulamaq istəyirik. Kimlərisə qəbul etməmək və bəyənməmək, onları həyatlarını dinc şəkildə yaşamaq və cəmiyyətə töhfə vermək hüququndan məhrum etmək üçün əsas deyil.