BMT-nin İnsan Hüquqları Şurasının 49-cu sessiyası

Bu gün Birləşmiş Ştatlar BMT-nin İnsan Hüquqları Şurasının 49-cu daimi sessiyasına qoşulur. ABŞ-ın bu quruma qayıtması Prezident Baydenin verdiyi vədi yerinə yetirir və ölkəmizin xarici siyasətində insan hüquqlarının diqqət mərkəzində olduğunu əks etdirir. Bu sessiyanın keçirilməsi üçün ən uyğun vaxt indidir.  

Rusiyanın Ukraynaya əvvəlcədən düşünülmüş, təxribatsız və əsassız hücumunun ilk anlarından etibarən insan haqlarının pozulması ilə bağlı xəbərlər geniş yayılıb. Heç bir çaşqınlıq olmasın: Rusiya Ukraynaya hücum etdi, çünki Ukrayna demokratik yol tutmağa cəsarət etdi. Rusiyanın işğalı nəticəsində məktəblərə, xəstəxanalara, radiostansiyalara, evlərə ziyan vurulub və dağıdılıb, uşaqlar da daxil olmaqla dinc əhali öldürülüb və yaralanıb. 

1 mart tarixində Dövlət Katibi Antoni Blinken toplanmış Şurada çıxış edəcək və bu fürsətdən istifadə edərək Rusiyanın yaratdığı təhlükəni açıq şəkildə ifadə edəcək, eyni zamanda vurğulayacaq ki, Ukrayna Şuranın diqqətini özünə cəlb edən dünyanın yeganə ölkəsi deyil. 

Ukraynada baş verən hadisələr yalnız BMT Nizamnaməsinin və İnsan Hüquqları üzrə Ümumdünya Bəyannaməsinin təşviqinə və insan hüquqlarının pozulması və sui-istifadə hallarının sənədləşdirilməsinə həsr olunmuş etibarlı insan hüquqları qurumunun mühüm əhəmiyyətini vurğulayır. 

Birləşmiş Millətlər Təşkilatı və digər beynəlxalq təşkilatlar yanında ABŞ-ın Cenevrədəki daimi nümayəndəsi səfir Şeba Kroker bu sessiyada ABŞ nümayəndə heyətinə rəhbərlik edəcək. BMT-nin İnsan Hüquqları Şurasının yaxın zamanlarda təsdiq edilmiş səfiri Mişel Taylor isə bu sessiyaya dəstək göstərəcək. Dövlət Katibinin Mülki Təhlükəsizlik, Demokratiya və İnsan Haqları üzrə müavini Uzra Zeya yüksək səviyyəli həmkarları və beynəlxalq humanitar tərəfdaşlarla görüşlər keçirmək üçün 28 fevral-1 mart tarixlərində Cenevrədə nümayəndə heyətinə qatılacaq.