Müvəqqəti işlər vəkili Hugo Guevara və ABŞ səfirliyinin rəsmiləri keçmiş astronavtı Peqi Vitson ilə görüşüblər
Müvəqqəti işlər vəkili Hugo Guevara və ABŞ səfirliyinin rəsmiləri NASA-nın keçmiş və hazırda “Axiom Space”-in astronavtı Peqi Vitson ilə görüşməkdən məmnun qaldılar. Vitson həm Amerika astronavtları, həm də qadın astronavtlar arasında kosmosda ən uzun müddət keçirən (675 gün) rekord sahibidir. O, eyni zamanda Beynəlxalq Kosmik Stansiyanın və özəl kosmik missiyanın ilk qadın komandiridir. Vitson elmi tərəqqini inkişaf etdirən multikultural bir komandanın tərkibində topladığı təcrübə və karyerası haqqında məlumat paylaşdı.