Amerika Birləşmiş Ştatlarının Prezidenti

President Donald J. TrumpDonald J. Trampın keçdiyi həyat yolu Amerikanın uğur hekayəsini bariz şəkildə özündə ehtiva edir. O, öz fəaliyyəti ərzində daima biznes və sahibkarlıq sahəsində, xüsusilə də daşınmaz əmlak, idman və əyləncə ilə bağlı olan maraqları sayəsində mükəmməl standartlar müəyyən etmişdir. Eynilə, siyasətə qoşulması və onun ilk dəfə prezidentliyə namizədliyini verərək dövlət xidmətində çalışmaq uğrunda mübarizəsi inanılmaz bir şəkildə qələbə qazanması ilə nəticələnmişdir.

Uorton Biznes Məktəbini bitirdikdən sonra cənab Tramp daşınmaz əmlakın inşası sahəsində atasının yolunu davam etdirir və Nyu-Yorkda daşınmaz əmlak sektoruna daxil olur. Tezliklə Trampın müəllifi olduğu binalar əvvəlcə Manhetten ştatının ən nüfuzlu bölgələrində və daha sonralar isə dünyanın müxtəlif yerlərində ucalır. Müvəffəqiyyət qazanmış bir yazıçı kimi cənab Tramp on dörddən çox bestsellerin müəllifi olmuşdur və onun Sövdələşmə İncəsənəti adlı ilk kitabı ilin birinci kitabı adına layiq görülməklə bərabər bir biznes klassikası hesab olunur.

Cənab Tramp 2015-ci ilin 16 iyun tarixində öz namizədliyini elan etmiş və Respublikaçılar partiyasının on yeddi nəfər namizədi öz təbliğat kampaniyasını dayandırdıqdan sonra o, 2016-cı ilin iyul ayında Respublikaçılar partiyası adından Birləşmiş Ştatların prezidenti postuna namizədliyini qəbul etmişdir. Cənab Tramp 2016-cı ilin 8 noyabr tarixində seçkilərdə qalib gəlmişdir və bu, son 28 il ərzində Respublikaçılar partiyasının namizədinin seçici kollegiyasında ən çox səs topladığı seçki olmuşdur. O, ölkənin müxtəlif bölgələrində yerləşən 2,600-dən çox dairədə qalib gəlmişdir ki, bu da 1984-cü ildə Prezident Reqanın qələbəsindən sonra qeydə alınmış ən böyük göstəricidir. Bundan əlavə o, 62 milyondan çox seçicinin səsini qazanmışdır və bu, indiyə qədər Respublikaçılar partiyasının namizədinə verilmiş ən böyük səs sayıdır. Eyni zamanda seçicilər kollegiyasının 306 nəfər üzvü onun xeyrinə səs vermişdir ki, bu da 1988-ci ildə Respublikaçıların namizədi olmuş Corc H.W. Buşa verilmiş səslərdən sonra qeydə alınmış ən böyük göstəricidir. Cənab Trampın ölkəmizi yenidən qurmaq və status-kvonu dəyişdirmək barədə səsləndirdiyi çağırışların arxasınca milyonlarla amerikalı yürüş etmişdir və bu, həqiqi milli qələbə və tarixi hərəkata çevrilmişdir.

Donald J. Tramp Respublikaçılar partiyasının əvvəllər qələbə qazanmaqda çətinliklər çəkdiyi bölgələrdə – Miçiqan ştatının Flint şəhərində, Klivlend ştatının yoxsullar yaşayan şəhərlərindəki özəl orta təhsil məktəblərində, Florida ştatının latınamerikan kilsələrində təbliğat kampaniyaları həyata keçirmişdir, çünki o, iqtisadi bərabərlik imkanlarının təmin olunacağı çağırışını bütün Amerika vətəndaşlarına çatdırmaq istəyirdi. Respublikaçılar partiyasının milyonlarla yeni tərəfdarı cənab Trampa səs verməklə onun daha yaxşı ticarət sövdələşmələrini həyata keçirərək inkişafın təmin olunması fikirlərini dəstəklədiklərini və inandıqlarını ifadə etdilər, nəticədə Respublikaçılar partiyası yeni bölgələrdə kifayət qədər böyük səs çoxluğu ilə qələbə qazandı. Prezident Trampın qələbəsinin müxtəlif sahələrdə çalışan amerikalıları bir araya gətirdiyi açıq-aşkar hiss olunur və o, fəaliyyətə başladığı ilk gündən sona qədər dövlətin uğur qazanması üçün çalışacaqdır.

Prezident Tramp on iki ildir ki, xanımı Melania ilə evlidir və onların bu evlilikdən Barron adlı bir oğulları vardır. Bundan əlavə cənab Trampın, Don Jr., İvanka, Erik və Tifani adlı dörd övladı və səkkiz nəvəsi vardır.

Tərcümeyi-halın mənbəyi: whitehouse.gov