Milli Təhlükəsizlik üzrə Müşaviri Ceyk Sallivan Prezident Administrasiyasının Xarici Siyasət məsələləri şöbəsinin müdiri Hikmət Hacıyevlə görüşüb

Milli Təhlükəsizlik üzrə Müşaviri Ceyk Sallivan bu gün Azərbaycan Prezident Administrasiyasının Xarici Siyasət məsələləri şöbəsinin müdiri Hikmət Hacıyevlə görüşüb. Onlar ABŞ və Azərbaycan arasında əlaqələrin 30 illik yubileyini qeyd ediblər və ikitərəfli əlaqələri daha da dərinləşdirməyə hazır olduqlarını vurğulayıblar. Onlar Rusiyanın səbəbsiz təcavüzünə cavab olaraq Ukrayna xalqına kömək etmək üçün birgə öhdəlikləri müzakirə ediblər. Cənab Sallivan Azərbaycanı Avropanın enerji təhlükəsizliyinə uzunmüddətli sadiq olduğuna görə yüksək dəyərləndirib və regional enerji təchizatının daha da şaxələndirilməsi səylərini müzakirə edib. Hər iki şəxs Ukraynadakı münaqişənin daha geniş region üçün təsirləri ilə bağlı öz fikirlərini bölüşüblər. Cənab Sallivan ABŞ-nin Cənubi Qafqaz regionunda sülh, təhlükəsizlik və firavanlıqla bağlı öhdəliklərini çatdırıb. O, Azərbaycan və Ermənistan arasında davamlı sülhün əldə edilməsi istiqamətində mühüm və tarixi diplomatik səyləri yüksək qiymətləndirib. Cənab Sallivan Avropa Şurasının prezidenti Çarlz Mişelin ev sahibliyi etdiyi danışıqlara dəstəyini ifadə edib. O, ABŞ-ın Avropada Təhlükəsizlik və Əməkdaşlıq Təşkilatının (ATƏT) Minsk Qrupunun həmsədri kimi müxtəlif vasitələrlə yaxından əlaqə saxlamağa və inkişafa dəstək verməyə hazır olduğunu bildirmişdir.