Visas-AZ

ABŞ Viza Xidmətləri

ABŞ-ı ziyarət edin

MÜXTƏLIFLIK VISASI PROQRAMI

2025-ci il Müxtəliflik Visası Proqramı üçün ərizələr elektron şəkildə dvprogram.state.gov internet səhifəsində 4 oktyabr 2023-cü il tarixindən 7 noyabr 2023-cü il Bakı vaxtı ilə saat 21:00-a qədər təqdim edilə bilər. Müxtəliflik Visası Proqramı hər il 55000-ə qədər immiqrasiya vizası verir və ABŞ-a immiqrasiya nisbəti aşağı olan ölkələrin vətəndaşlarına ABŞ immiqrant vizası üçün müraciət etmək imkanı yaradır. Fırıldaqçılıq hallarından ehtiyatlı olun. Bəzi internet səhifələri və elektron məktublar özlərini ABŞ hökumətinin rəsmi məlumatlarının təminatçısı kimi təqdim edərək ərizəçiləri çaşdırmağa çalışır. Müxtəliflik Visası Proqramı üçün qeydiyyatdan keçməyin yeganə yolu dvprogram.state.gov internet səhifəsində elektron ərizə anketini doldurmaqdır. Bu ərizə anketini doldurmaq asan və pulsuzdur. Biz sizə şiddətlə tövsiyə edirik ki, ərizə anketinizi hər-hansı “viza məsləhətçisi”, “viza agenti” və ya kömək təklif edən başqa bir şəxsin köməyi olmadan özünüz doldurasınız. Müxtəliflik Visası Proqramı haqqında ətraflı məlumatı buradan əldə etmək olar.

Viza nədir?

Birləşmiş Ştatlara daxil olmaq istəyən xarici ölkə vətəndaşı, əksər hallarda, əvvəlcə ABŞ vizası almalıdır – bu viza səyahət edəcək şəxsin pasportuna yapışdırılır.

Bəzi beynəlxalq səyahətçilər, Vizasız Proqram çərçivəsində səyahət etmək haqqındakı tələblərə cavab verdikləri təqdirdə, ABŞ-a vizasız səyahət edə bilərlər.

Bu internet səhifəsinin Viza bölməsi ABŞ vizaları haqqındadır və Birləşmiş Ştatlara səyahət etmək niyyətində olan xarici vətəndaşlar üçün nəzərdə tutulmuşdur. Əgər axtardığınız məlumatı burada tapa bilmirsinizsə, əlavə məlumat üçün Travel.State.gov internet səhifəsinə daxil olmanızı xahiş edirik.

Qeyd: Birləşmiş Ştatlara səyahət etmək istəyən ABŞ vətəndaşlarının ABŞ vizasına ehtiyacı yoxdur. Başqa ölkəyə səyahət etməyi planlaşdıran ABŞ vətəndaşlarının isə həmin ölkənin vizasını almağa ehtiyacı ola bilər ki, bu vizalar da onların getmək istədikləri ölkənin səfirliyi və ya konsulluğu tərəfindən verilir.

Yerli Məlumata Baxın

BİZİMLƏ ƏLAQƏ

ABŞ vizası haqqında ümumi məlumat əldə etmək və spesifik viza müraciəti ilə bağlı suallarınıza cavab tapmaq üçün Viza Naviqatorundan (Google Formaları) istifadə edin: https://tinyurl.com/Vizalar. Naviqatorun sadə suallarına cavab vermək yolu ilə, siz müvafiq məlumat səhifəsinə yönləndiriləcək yaxud sorğunuzu e-mail vasitəsilə necə göndərmək lazım olduğuna dair təlimat əldə edəcəksiniz.
Viza ərizəsi və müsahibə vaxtının təyin olunması haqqında ümumi məlumat almaq üçün internet səhifəmizi nəzərdən keçirin: https://ais.usvisa-info.com/az-az/niv.
E-mail: esee_contactus+az+info+az@visaops.net
Əlaqə nömrəsi (Azərbaycandan zəng edirsinizsə): 088 578 6790. Qeyd: Menyu seçimləri səslənməyə başladıqda Azərbaycan dili üçün “2” düyməsinə, sonrakı menyu seçimlərinin hər birində isə “1” düyməsinə basın.
Əlaqə nömrəsi (ABŞ-dan zəng edirsinizsə): +1-703-988-5699

Əlavə məlumat

Müvəqqəti İşçilərin Hüquqları və Müdafiəsi İmmiqrant vizası üçün müraciət edənlərin hüquqları və m

Müvəqqəti İşçilərin Hüquqları və Müdafiəsi

Aşağıda linkı qeyd olunmuş bukletdə sizin müəyyən məşğulluq və təhsil əsaslı kateqoriyalar üzrə qeyri-immiqrasiya vizası sahibi olan hüquqlarınız haqqında məlumat verilir.

Bukletinizi seçin

İmmiqrant vizası üçün müraciət edənlərin hüquqları və m

Buklet K-1 vizaları, K-3, IR-1/CR-1 immiqrant vizaları və F2A immiqrant vizaları üçün müraciət edən ərizəçilərə məişət zorakılığı, cinsi təcavüz və uşaq istismarı ilə bağlı qanuni hüquqları barədə məlumat verir.

Bukletinizi seçin